കനല്‍`പെയ്തു തോരുമ്പോള്‍

കനല്‍ പെയ്യും കാലത്ത് വാടിയതെയുള്ളൂ
കരിഞ്ഞതില്ലൊരുന്നാളും തല്ലിയുടയ്ക്കാനരുതാത്ത
ചെറു സൂര്യ കണമുള്ളില്‍ മിന്നിത്തെളിയുന്നു.
ജ്വലിക്കാനുണരുന്നു ചവിട്ടിക്കടക്കുന്നു.

മറയാതെമറയുന്നു സ്വപ്നങ്ങളെന്കിലും
പുതുസ്വപ്ന നാമ്പുകളുള്ളില്‍ വിരിയുന്നു.
കനവുകളുടലാക്കിമാറ്റുവാന്‍ വെന്‍പുന്നൂ -...
വെങ്കിലുമറിയാതെപിന്നോട്ടു പായുന്നു.

പിളരുന്ന കരളിനെ തുന്നിച്ചേര്‍-
ത്തെങ്കിലും മുറിവുമൂടുമ്പോ-
ളറിയാത്ത വേദന പുറമേയ്ക്കു കാട്ടാതെ
പൊട്ടിച്ചിരിച്ചുള്ളില്‍ സൂര്യനെയുണര്‍ത്തുന്നു.

കനവിലും നിനവിലും മഞ്ഞലചാര്‍ത്തുന്നു.
കുളിരില്‍ നനയുന്നു കനലുംതവിയുന്നു.
സ്വപ്നത്തിന്‍ രേണുക്കളെങ്ങും നിറയുന്നു.
സ്വപ്നങ്ങള്‍ പൂക്കുന്നു കായ്ക്കുന്നു സദ്ഫലമൂട്ടുന്നു..